arrasate-mondragon
Arrasate Musikaleko Big Band-ak kontzertua emango du larunbatean Bartzelonan
Zigor Martinezek zuzentzen duen taldea, Donostiako Jazzaldian jotzeko aurrez aukeratua
Arrasate Musikaleko Big Band taldea Elgetan egindako emanaldi baten.
ARRASATE. DV. Arrasate Musikaleko Big Band-a Bartzelonaruntz irtengo du gaur ostirala. Catalunyako hiriburuan emango dute asteburua. Musika talde arrasatear honek kontzertua emango du larunbat arratsaldeko 20:00etan Centre Civic Parc-Sandaru-ko areto nagusian. Bartzelonako erdi aldean dago leku hau eta musika mota desberdinak entzuteko aukera izango dute bertara gerturatzen direnek.
Arrasate Musikaleko Big Band taldearen zuzendaria Zigor Martinez. Egun 23 musikarik osatzen dute 2000. urtean Jose Ramon Elkoro irakasleak sortutako talde hau.
Donostiako Jazzaldian
Kontzertu honetaz aparte, Big Band talde arrasatearra Donostiako jazzaldian jotzeko aurrez aukeratua izan da.
Hogeitamar talde aurkeztu ziren bertara; 15 besterik ez zituzten aukeratu frogak egiteko, eta azkenik, 10 talderekin geldituko dira.
Arrasateko taldea maiatzak 5ean, astelehena, arratsaldeko 20:30etan emanaldia izango du Victoria Eugeniako Klubean. Sarrera doan da, eta inork Arrasateko taldea animatu nahiko balu badaki nora jo.
Kontzertu honetan epai bat izango da eta azkenik epaimahaikoek erabakiko dute hamar talde horietatik zeintzuk joko dute Donostiako Jazzaldian.
Txistu kontzertua
Arrasate Musikaleko txistulariek, bestalde, kontzertu bat eskeiniko dute bihar larunbata, apirilak 19, Kulturate kultur etxean eguardiko 12:00etan.
