orio
6.000 euroko laguntza eman dio La Caixak Orio Arraun Elkarteari
Igon Lertxundi, Jon Redondo, Aitor Hoyos eta Ane Carretero.
ORIO. DV. Asteburu potentea datorkigu larunbatean Orioko Arraunketa Olinpikoko Estropadarekin, gizonezkoen 'lemazaidun zortziko' modalitatean. Guzti honen berri gaur goizean emango zaigu Udaletxean.
Baina, bitartean, Orioko Arraun Elkarteak lanean jarraitzen du bere aurrekontua osatzeko. Aurten 500.000 eurotik gorako aurrekontua du arraun elkarteak, bere historiako kopuru handiena, izan ere aurten bigarren taldea ARC2 Ligan arituko baita. Aurreko urteetako babesle eta laguntzaileekin jarraitzen da, baina aurtengorako patrozinadore berriren bat ere badute, besteak beste La Caixa. Aitor Hoyos, Orioko sukurtsaleko zuzendariak aipatzen duen bezala, «abenduan zabaldu genuen Orion eta oso gustora gaude herrian izan dugun harrerarekin. 6000 euro emango dizkiogu arraun elkarteari. Pentsatzen dugu, taldeko baloreak eta herri honen nortasuna erakusten duen kirola dela arrauna».
Aitor Hoyos eta Urola Kostako La Caixako arduraduna den Ane Carreterok, Igon Lertxundiri entregatu zioten txekea, Jon Redondo alkatea bertan zela.
