GETARIA
Maiatzaren 8an irteera Sarako haitzuloetara Getariako jubilatuentzat
16.04.08 -
GETARIA. DV. Arrantzale Zaharren Elkarteak antolatuta, maiatzaren 8an Sarako haitzuloetara irteera egingo dute herriko jubilatuek, izen ematea dagoeneko zabalik egonik gaurtik maiatzaren 2ra bitartean Getariako Jubilatu Etxean, I.S.M.ko bulegoan. Bidaiaren prezioa 33 eurokoa da, izena ematerakoan 20 euro ordaindu behar direlarik.
Irteera maiatzaren 8an izango da, goizeko 9:30etan abiatuz autobusa gure herritik. Saran hamaiketakoa egin ostean, bertako haitzuloetara bisita egin eta ondoren Elizondoko Baztan jatetxean bazkalduko dute partehartzaileek. Menua askotariko zizka-mizkak, haragi-salda, arkumea txilindronean, etxeko postrea, ardoa, ura, ogia eta kafeak osatzen dute. Bazkal ostean, eta etxera itzuli aurretik, Irunen denbora librea izango da, norberak nahi duena egiteko.
Egitarau polita oraingoan ere Arrantzale Zaharren Elkarteak, Getariako jubilatu eta pentsionisten hogarrak, maiatzaren 8rako antolatu duena, interesatuek gaurtik maiatzaren 2ra arte dutelarik I.S.M.ko bulegoan bidaia honetan izena emateko.
