DEBA
Lasturreko Taldeak berriro emaitza ona lortu zuen Hiru Txirloko Txapelketa
Lasturreko bolatokian ospatuko da datorren larunbatean 4. jardunaldia
DEBA. DV. Gipuzkoako Hiru Txirloko Txapelketak bere hirugarren jardunaldia ospatu zuen joan den larunbatean Elgoibarko San Andres auzoko bolatokian (egurrezkoa eta 16,40 metroko luzaera). Bertan, Lasturreko Taldea ondo aritu zen, batez ere Joseba Lazkano, lau txirlo bota baitzituen.
Bere kidea Gotzon Urangak, berriro, lehenengo eta bigarren jardunaldian bezela, hiru lurrera bota zituen; Alberto Zubikarai, berriz, bi, eta txirlo bakarra Xanti Oñederra eta Roman Arrizabalaga. Guztira, taldeak 11 txirlo bota zituen.
Txapelketako laugarren jardunaldia Lasturreko bolatokian ospatuko da datorren larunbatean, 17:00etatik aurrera. Bertan, ondo arituko dira Lasturreko kideak, zeren eta astero entrenatzen baitute bolatoki honetan. Tokia estalita dago eta 16 metroko luzaera du.
