Udal Elkarteak plastikozko poltsen erabilera murrizteko ekimen berria aurkeztu du
11.04.08 -
Orioko Alkatea eta Udal Elkarteko lehendakaria atzo prentsaurrean.
GETARIA. DV. Urola Kostako Udal Elkarteak iragan urteko azaroan abian jarritako eta otsailean amaitutako kanpainari jarraipena emanez plastikozko poltsen erabilera murrizteko kanpaina berri bat eramango du aurrera, non eskualdeko denda ezberdinetan plastikozko poltsa bakoitzagatik 3 zentimo kobratzea proposatzen den. Prezio txikia, baina esanguratsua, mahai gainean jarriz berreskuratzen ez den poltsa bakoitzak duen ingurumen kostua.
Kanpainan parte hartzea borondatezkoa da eta bertan parte hartu dezakete Aia, Orio, Getaria, Zarautz eta Zumaiako establezimendu guztiek. Partehartzaileei dendako sarreran jartzeko pegatina bat eta poltsak kobratzeko konpromisoa adierazten duen diploma emango zaie, jendeak kanpainan parte hartzen ari direla jakiteko.
Momentuz, dendariei proposatu ostean, Orioko 22 establezimenduk eta Zarauzko batek baiezkoa eman diote kanpainan partehartzeari, oraindik kopuru esanguratsu baten erantzuna falta delarik.
Ekimen hau poltsa berrerabilgarrien kanpaina osatzera dator, zeinaren balorazio positiboa egin zuen Udal Elkarteko lehendakariak atzo goizean eskainitako prentsaurrean, bereziki Orion kanpaina honen arrakasta eta dendarien konpromisua azpimarratuz.
