GETARIA
Hitzaldiak bihar eta asteazkenean adinekoentzat jubilatu elkartean
GETARIA. DV. Getariako jubilatu eta pentsionisten elkarteak, Arrantzale Zaharren Elkarteak, antolatuta hitzaldiak izango dira bihar eta datorren asteazken arratsaldean Arrantzale Zaharren Elkartean bertan, bereziki adineko zuzenduak nahiz eta herritar guztiei zabaldu gonbidapena.
Bihar iragan ostiralean eskeinitako hitzaldiaren bigarren saioa izango da: 'Gure oroimena nola hobetu eta mantendu aktiboa II'. Hitzaldia arratsaldeko 18:00etan emango du Peio Landa Gutierrez psikologoak.
Datorren asteazkenean, berriz, apirilaren 16an, 'Azala eta minarentzat kremak' izango da hitzaldiaren gaia, arratsaldeko 18:30etatik aurrera, Arrantzale Zaharren Elkartean, ordu erdiko iraupenarekin. Bertan, krema ezberdinak eta hauen erabilpena aztertuko dira, besteak beste. Erromeroa eta asuna izango dira protagonista, krema zein alkoholetan, hainbat min arintzeko. Erreuma, artritisa, giltzurdunetako mina, oinen mina, zirkulazio txarra, infekzioak, erredurak eta abar hauen bidez nola arindu azalduko da bertan.
