Usurbil
Adimen urritasunari buruzko hitzaldia
Adimen urritasuna izango dute gaur hizpide. [J. ARANBERRI]
USURBIL. DV. Gaur arratsaldeko 18:00etan hasita Atzegi elkartearen hitzaldia izango da Sutegi eraikineko auditorioan. Usurbilgo Haur Eskolak eta Udarregi ikastolak Atzegi elkartearekin batera antolatu du ekimen hau eta adimen urritasuna duten pertsonei buruzko eta adimen urritasuna duten pertsonen txarla izango da, Atzegiko langile batek eta Ordiziako Eguneko Zentroko zenbait partaidek eskainiko dutena. Bertan, adimen urritasuna zer den eta zer ez den azaltzeaz gain, Ordiziako Eguneko Zentroko zenbait partaidek lehenengo pertsonan beraien esperientziak agertuko dituzte. Hitzaldiaren helburua, besteak beste, gai honetan interesa duen edonori, hasunarketarako bidea zabaltzea da galdera hauen inguruan: zer da adimen urritasuna? Zer da Atzegi? Zer eskaintzen di familiei? ingurunearen garrantzia...
Antolatzaileek gaiaren interesgarritasuna azpimarratu nahi dute, " sarritan seme-alabek adierazten duten jarrera etxean ikusten denaren isla izaten bait, eta jarreretan eragin positiboa lortu ahal izateko familiengana iristea komenigarria izaten baita".
Bestalde, pertsonen arteko ezagutzaren ikuspegitik, hitzaldi hau aukera paregabea iruditzen zaie famili batek Atzegi elkartean aurki dezakeenaren berri izateko eta norberak eduki ditzakeen zalantzak azaltzeko edo galderak egiteko.
