ARRASATE
Sortu berri duten Bilgune Feministak dei egin du IV. Jardunaldietan parte hartzera
Euskal Herriko IV. Jardunaldi Feministak asteburuan dira Portugaleten
Bilgune Feministako kideak aurkezpen ekitaldian. [OLIDEN]
ARRASATE. DV. Arrasaten sortu berri duten Bilgune Feministako kideek dei egin dute asteburuan Portugaleten ospatuko diren IV. Jardunaldi Feministetan parte hartzera. Iraitz Agirrek, Maite Urzainek eta Ane Arenazak aurkeztu zuten herenegun Kulturaten Mondragoeko Bilgune Feminista. Talde honen eginkizuna, beste herrietakoekin batera, bizi eredu eta harreman berrien eraikuntzaren alde lan egitea da, emakumeek, bereziki gazteek, bizitzaren eremu guztietan pairatzen duten zapalkuntzari eta diskriminazioari aurre egiteko.
Euskal Herriko IV. Jardunaldi Feministak larunbatean hasiko dira 9:00etan, eta ekitaldi ezberdinak igande eguerdira arte luzatuko dira, hitzaldi, festa, manifestazio eta abarrekin.
