azpeitai
Lan Mobel taldeko txirrindulariek lan bikaina burutu dute asteburuan
09.04.08 -
AZPEITIA. DV. Jubenil mailako Lan Mobel taldeko gazteak XXXV Amaikak Bat saria txirrindulari proban izan ziren asteburuan, Deban. Karrera oso selektiboa izan zen, Itziargo mendatea bi aldiz eta Kalbario mendatea (Mutriku) bukaeran zituelako. Hasieran taldea ez zen batere erne ibili eta ihesaldiak ez zituen kontrolatu. Hiru lagun ihes eginda ziren baina Itziar jaitsi ondoren Ion Iparragirrek (33.) talde lan bikainean, pelotoia ziztu bizian jarri zuen eta honi esker Kalbario igoeran aurrekoak harrapatzea lortu zuten. Mendate gainean 7 laguneko taldea zen aurretik eta bertan Gorka Agirre eta Mikel Madinabeitia. Jaitsieran, Mikel erori, eten aldia sortu eta atzerapenakin, Lan Mobelekoak azken esprintean sartzeko aukerarik gabe geratu ziren. Hala ere, Gorka Agirre 5. postuan sailkatu zen. Mikel Madinabeitia, 9. eta Imanol Arizmendi 17. Ulmako Xabier Arnaizek irabazi zuen lasterketa.
Kadete mailan, G Corrugadosekoek lan polita egin zuten Urretxun. Taldeko lehena Jon Dominguez izan zen, 8. 
