I. Kale Antzerki Eguna aurkeztu zuten atzo
09.04.08 -
Xabier Mikel Errekondo alkatea eta kultura zinegotzia. [J. ARANBERRI]
USURBIL. DV. Atzo goizean aurkeztu zuten Donostiako Koldo Mitxelena kulturunean Usurbilgo I. Kale Antzerki Eguna. Larunbat honetan, apirilaren 12an, izango da egun osoko ekitaldi hau eta izenak berak dioen bezala kale antzerkia izango da protagonista nagusia egun osoan zehar.
'Kultura bizia, herria bizia, bizi dezagun Usurbil' mezua izango du atzo Xabier Mikel Errekondo alkateak eta Nerea Eraunzetamurgil kultura zinegotziak aurkeztu zuten ekimenak. han inguruan ziren antolatzaile lanetan ibili diren Alex Tello eta Ixabel Agirresarobe ere. Euskal Herri osotik etorriko dira hainbat antzerki talde eta Usurbilgo kaxkoa zein inguruak antzoki handi bat bihurtuko dira.
Edonork izango du egun osoan zehar izango diren euskarazko antzerki hauek ikusteko aukera. Bertan izango dira baita ere, herrian sortu berri den Txerriki antzerki taldekoak.
