GETARIA
Ikuskizun polita larunbatean Zesta Puntako San Telmo Sarien finaletan
Apirilaren 12an Gipuzkoako eskola arteko finalak
09.04.08 -
GETARIA. DV. Ikuskizun polita eskeini zuten larunbatean Zumaiako Zesta Eskolak antolatuta Getariako Sahatsaga kiroldegiko pilotalekuan jokatu ziren Zesta Puntako San Telmo Sariaren finalek, ikusle ugari bildu zutelarik arratsaldeko 16:00eatik aurrera.
Txikienak izan ziren lehenak jokatzen, txikien mailan Agirre II. eta Ezeizaren arteko partidak 20 eta 5eko emaitza izan zuelarik. Benjamin-alebinetan, E.Agirre eta Zubiak 25 eta 21 irabazi zuten Amundarain eta Larrañagaren aurka.
Alebinetan Garaizabal eta Aldaik osatutako bikotea gailendu zen, 25 eta 18 irabaziz Alonso eta Elustondori. Eta azkenik, helduen mailan, Gorostola II. eta I anaiek 30 eta 21 irabazi zuten Manterola eta Erkiagaren aurka.
Datorren astean ere, larunbatean, izango da Zesta Punta ikuskizunik Getariako Sahatsaga pilotalekuan, alebin eta infantil mailan Gipuzkoako Eskolarteko Zesta Punta Txapelketako finalekin, partida bikoitza izanik bertan larunbatean arratsaldeko 17:00etatik aurrera, mutrikuar eta zumaiarren artean.
