Bizkaia-Azpeitia ibilbidea Lagun Onakekoek maiatzeko zubian
09.04.08 -
AZPEITIA. DV. Lagun Onak Mendi Bazkunako kideek lau etapatako ibilbidea antolatu dute maitzeko zubirako, maiatzaren 1etik 4ra bitartean. Asmoa, Bizkaiatik, Gorlizetik atera eta Azpeitira heltzea da.
Maitzaren 1ean, ostegunean, aterako dira, goizeko 7etan, autobusez Azpeitiko enparantzatik. Honako lau zatitan banatu dute ibilbidea: Gorliz - Mundaka. Mundaka - Ispaster. Ispaster-Deba eta Deba - Az-peitia. «Zailtasunik gabeko eta ikuspegi ederreko itzuliak» direla diote antolatzaileek.
Bazkideek 70 euro ordaindu beharko dute; ikasle eta langabetuek, 50 eta gainontzekoek, 100 euro. Ordainean, autobusa; ostegun, ostiral eta larunbateko afariak; ostiral, larunbat eta igandeko gosariak; lo eta dutxatzeko lekuak eta gauzak eramateko erabiliko den furgoneta sartzen dira.
Izen emateko azken eguna apirilak 20a da (mendizaletako tabernan). Animatzen den jendearekin xehetasun guztiak argitzeko astebete aurretik bilera bat egingo da.
Furgoneta bat ibiliko da egunero irtetzen diren lekutik iristen diren lekura gauzak eramateko. Lo egiteko zakua eta esterilla eraman behar dira. Eguraldiagatik edo beste arazoren bategatik erabakiren bat hartuko balitz elkarteak izango du azkeneko hitza.
