EAEk adierazte du Aurrekontuei emandako babesa ez dela 'txeke zuri bat'
09.04.08 -
DEBA. DV. Aurtengo Aurrekontuak joan den astean onartu ziren Eusko Alkartasuna eta Eusko Abertzale Ekintza emandako botuekin. Hala ere, EAEk adierazten du «babes hau ezin daiteke izan eta ez da izango txeke zuri bat, eta ez du jarduera politikoa baldintzatuko, une bakoitzean herri honen eta herritar gehiengoaren onurako direla uste dugun ekimen oro babesten jarraituko dugularik».
Debako EAEko zinegotziak Aurrekontuak onartu zituzten «bidea irekitzen dutelako aurrera begira behar ditugun azpiegiturak zehazteko, ongi dakigu aurrekontu batzuk ezin daitezkeela horretara mugatu». Zehazten dute «azpiegitura aldetik hainbat gabezia» daudela; adibidez, zahar egoitza, gaztetxea, ludoteka, koliseoa, igerilekua, Itziarko eskola txikia, ekimenetarako Itziarren dagoen gela falta, «eta abar luze bat».
Aurtengo Aurrekontuetan «badira era positiboan baloratzen ditugun beste partida batzuk. Hala nola, euskararen sustapenerako jasotzen dena, edo inbertsio atalean babestutako etxebizitzak eraikitzeko lurzoroa erosteko jasotzen dena, eta Itziar Udaletxearen eraikina zaharberritzeko jasotzen dena», esaten dute.
