EZKIO-ITSASO
Bide zaharrak berreskuratzeko gelditu dira ezkio-itsasotarrak
Aurrekoan Itsaso auzoko bide zaharra garbitzen ibili ziren herritar batzuk, zeuden sastrakak kenduz eta lokatza eta harriak alde batera utziz. [M. GALILEA]
EZKIO-ITSASO. DV. Bitan gelditu dira dagoeneko Ezkio-Itsasotarrak herrian dauden bide zaharrak berreskuratzeko asmoz. Lehenengoa Ezkion izan zen eta bigarrena berriz Itsason. Oraingoan, larunbata honetan bueltatuko dira Errota eta Igartuerdi arteko harmailak, garai bateko "espaloia" zena garbitzea, eta lehengoan hasitako lanarekin bukatzea.
Aurrekoetan bezala oraingoan ere goizeko 9etan elkartuko dira, Igartubeiti museoko aparkalekuan eta handik leku zehatzera abiatuko dira. Aitzurra eta eskularruak eraman beharko dira lana behar bezala egiteko. Dena den, eta egun hauetan egiten ari den eguraldi kaxkarra dela, beharbada auzolan ekintza hau ez da aurrera eramango. Zalantzan egonez gero eta joaten utzi aurretik parte hartu nahi duten guztiei Yartu Kultur Ellkarteko norbaitekin hitz egitea eskatzen zaio.
Aurrekoetan bezala lan hau auzolanean aurrera eramango da eta guztien parte hartzea eskertuko da. Aurrekoetan bezala honekin bi helburu lortu nahi dira, alde batetik herriko ondare hau berreskuratzea eta bestetik egin beharreko guztia auzolanean egitea, azken hau bultzatuz.
Esan bezala hirugarren aldia da bide zaharrak garbitzeko elkartzen direla herriko bizilagunak eta geroz eta gehiago animatzea espero dute antolatzaileek. Honetan lan egiteaz gain giro ederra egoten da eta gainera, hamaiketakoa egongo da!
