LAZKAO
Lazkao txiki omendua
Urtero moduan, Lazkao Txikik herritarren omenaldia jaso zuen igandean. Txalapartarekin hasi zen ekitaldia eta honi jarraituz, Oinarin dantza taldeak Agurra dantzatu zuen haren irudiaren aurrean. Musika eskolako gaztetxoek ere parte hartu zuten txirula, gitarra eta teklatuarekin batera. Ekaitz Goikoetxea bertsolari beasaindarrak Lazkao Txikik idatzitako bertsoak eskaini zizkien han bildutakoei. Lazkaoko bost gaztek ere bertsoak abestu zituzten. Eta amaitzeko, salda eskaini zitzaien bildutakoei.
