HERNANI
Maitane Danborena bikain aritu zen azken Espainako junior txapelketan
Proba batean baino gehiagotan hartu zuen parte herriko igerilariak Egiazabal, Euskadiko txapelketan
08.04.08 -
HERNANI. DV. Maitane Danborena igerilari hernaniarra ondo aritu da martxoaren 27-tik 30-era, Gijon ospatu diren Espainiako Juniro txapelketan. Bertara hiru froga igeri egitera joan zen, 50m., 100m. eta 200m. bizkar estiloan den denak.
Lehenengo froga 200m. bizkar izan zuen, eta bere denbora hobe-tzea lortu zuen, 2:29:14 denbora lortuz. Sailkapen nagusian 13. postua lortu zuen bere adinean. Igeri egin zuen bigarren froga, 100m. bizkar izan zen, etzuen lortu bere denbora hobetzea, 1:09:95 eginez, baina sailkapen nagusiari begiratuta, bere adinean, 16. postua eskuratu zuen. Eta igeri egin zuen azken froga, 50m. bizkar izan zen. Froga honetan bere denbora hobetzea lortu zuen, 32:60 denbora lortuz, eta sailkapen nagusiari begiratuta, bere adinean 11.postua lortu zuen.
Alazne Egiazabal
Pasa den Martxoaren 29 eta 30 Ordizian jokatu ziren Euskadiko Infantil txapelketa, eta bertan izan zen Hernaniko igerilari bat, Alazne Egiazabal. Berak 50m. tximeleta, 50m. libre, 100m. tximeleta eta 100m. libre frogetan parte hartu zuen.
50m. tximeleta frogan, 32:86 denbora lortu zuen, eta sailkapen nagusian, bere adineko 5. geratu zen. 50m. libre frogan berriz, 29:60 denborarekin, sailkapen nagusian, baita ere bere adinean, 5. postua lortu zuen. 100 m. tximeleta frogan, 1:14:13 denbora lortuta, sailkapen nagusian, bere adineko 4. geratu zen, eta 100 m. libre frogan, 1:06:21 denbora eginda, sailkapen nagusian, bere adineko 7. postuan geratu zen.
