Mendekotasun Legearen hitzaldia Bageran
06.04.08 -
AZPEITIA. DV. Udaleko Parekidetasun arloak aukera berdintasunaren alde antolatutako ekintzen barnean, mendekotasun egoeran dauden pertsonen autonomia eta laguntza sustatzeko legearen inguruan hitzaldia eskainiko da datorren asteartean, apirilak 8.
Mendekoen aldeko arretarako euskal sistema publikoaren aldeko plataformako kide Julene Gabiola izango da hizlaria.
Hitzaldia 15:00etan hasiko da Bagera Jubilatu eta Pentsiodunen egoitzan (lehengo Aitonena). Doan eta euskaraz izango da. Hitzaldian, plataformak dituen bi aldarrikapen inguruan sakonduko da.
