CULTURA
Bildumak jarraipena izango du
Honenbestez 134. alera iritsi da Literatura unibertsala sorta, eta Kultura Sailarekin adostutako kopurua 153koa baldin bazen ere, badirudi laster beste hitzarmen bat sinatuko dutela Jaurlaritzak eta EIZIE itzultzaileen elkarteak. «Gauzak aztertzen ari gara, baina baldintza guztiak daude bilduma honek etorkizun luzea izateko. Urtean zortzi liburu plazaratu izan dira, zenbaki honek proiektuaren sendotasuna adierazten du», esan zuen atzoko aurkezpenean Jose Antonio Rodriguez Ranz, Euskara Sustatzeko zuzendariak. Atzo bertan bilera egin zuten bi aldeek.
Lehenbizi, 1990ean, ehun ale plazaratzeko hitzarmena sinatu zuten Jaurlaritzak eta EIZIEk. Eta gero beste 50 literatur lan euskaratzea erabaki zen.
