ZESTOA
Oier eta Gorka txirrindulari gazteak bikain aritu dira azken probetan
04.04.08 -
ZESTOA. DV. Egia da futbola dela herrian gehien jarraitzen dugun kirola, baina txirrindularitzak ere baditu hainbat zale, eta kontuan izanda gainera herriko zenbait gazte kirol honetan maila bikaina ari direla erakusten, hauei ere jarraipentxo bat egitea legezkoa izango da.
Gaurkoan, askotan bezala, Oier 'Otxaka' Iretarra eta Gorka Olaizola aipatu beharko ditugu.
'Otxaka' gaztea Kadete mailan aritzen da, eta pasa den igandean Gipuzkoa mailan lehiatu zen karreterako Azpeitiko proban (58 km eta 90 partaide) garaile izan genuen.
Gorka Olaizola, aldiz, jubenil mailan aritzen da, eta honek, Euskal Herri mailan lehiatu zen Antzuolako proban hirugarren sailkatzea lortu zuen. Lehiatu den aurreko probetan ere antzeko postuetan sailkatu da txirrindulari gazte hau.
Lourdesera erromesaldia
Aurten, maiatzak 30etik ekainak 2ra (ostiraletik astelehenera) bitartean burutuko da Lourdesera erromesaldia. Bertara joan nahi duten herritarrak apirilak 10 baino lehen eman behar dute izena. Lehenengo aldiz joango direnak Parrokian eman behar dute izena. Dei berezia egiten zaie laguntzaile bezala joan nahi dutenei.
