zumaia
Joakin Zubeldia hil da, mendizalea eta Inda Mendiren sortzaileetakoa
03.04.08 -
09:02 -
ZUMAIA. DV. Mendizalea, Inda Mendi bazkunako sortzaileetakoa eta beste zenbait kiroletan aitzindaria, 72 urte zituela hil zen atzo Joakin Zubeldia.
Donostiarra jaiotzaz, orain hamarkada ugari etorri zen Zumaiara eta berekin kirol ‘arraroen’ zaletasuna ekarri zuen: mendizale porrokatua izateaz gain, eskia, eskalada, urpeko arrantza, espeleologia eta beste hainbat kirol egin zituen.
Inda Mendi bazkuneko sortzaileetakoa izanik, elkarteko lehendakaria izan zen hainbat urtez. Mendi garaietara egindako bidaiengatik ere ezaguna egin zen. Lagun eta ezagunek dioten bezala, bera zen bidai hauetako arima. Bidaia luze hauetan parte hartzea abentura bezala ikusita zegoenean, Alpeetako zenbait mendi igo zituen, hala nola, Mont Blanc, Cervino edota Eiger. Hau izan zen, bere ustetan, inoiz igo zuen mendi zailena.
Kilimanjaroko tontorra ere zapaldu zuen Zumaiatik joandako espedizio batekin. Handik urte gutxitara, Akonkaguarako igoerarekin saiatu ziren, baina tontorretik metro gutxitara zeudela utzi behar izan zuten.
Abertzale porrokatua, oraindik legeztatu gabe zegoen garaian ikurrina eramaten zuten mendira. Baleikeri egindako elkarrizketa batean zioenez: «Lehen mendizale denak abertzaleak ginen eta oraindik ere neurri batean mantentzen da hau; mendia maiten duenak aberria ere maite du».
Horri honetatik gure doluminik biziena luzatzen diogu Joakinen familiari.
