BERASTEGI
Emeterio Sorazuri omenaldia egin zitzaion igandean Berastegin
02.04.08 -
Emeterio sariak jasotzen Berastegin egindako omenaldian. [LABAIEN]
BERASTEGI. DV. Xumea eta polita izan zen igandean berastegiarrek Emeterio Sorazuri eskaini zioten omenaldia. Lehenengo, Eukaristia ospatu zuten elkarrekin, Emeterio bera buru zela. Homilian, gogoratu zituen 60ko hamarkadan, Berastegin igaro zituen 4 urte haietako bizipenak. Apaiztu berria eta 24 urterekin etorri omen zen Berastegira, horrela, gaztetasunak berea duen ausardia eta indarrarekin hainbat eta hainbat arlotan lana egin zuen herrian, batik bat, kultura bultzatuz eta gazteekin lan eginez. Gogoan izan zituen bestalde, bertan bizitako bitxikeriak nahiz bere apaiz lagunak beti eman zioten babesa.
Eukaristian ondoren,eliz-zimitorioan San joan dantzak eta agurra eskeini zizkioten herriko gazteek. Bazkarian bestalde, 76 herritar elkartu ziren giro ederrean eta amaitu aurretik oroigarri batzuk eskaini zizkioten, alde batetik, plaka bat Udalaren izenean, irudi bat herritar guztien esker onaren ezaugarri eta azkenik herriko San joan dantzarien izenean, egun berean egindako argazki bat. Ospakizun guztian zehar, bertsoak eta nola ez , berak hain maite dituen euskal kantuak ez ziren faltatu, horrela, orokorrean esan daiteke giro ederrean amaitu zela eguna.
