Bigarren euskal musika zikloa antolatu du Udalak apirilean eta maiatzean kantagintzaren inguruan
Txuma Murugarrenen kontzertuarekin hasiko da zikloa larunbatean eta bigarren emanaldia, apirilak 19koa, Petti-rena izango dugu.
AZKOITIA. DV. Azkoitiko Udalak bigarren euskal musika zikloa antolatu du, kantagintzaren inguruan oraingoan. Zikloa apirila eta maiatzean egingo da Baztartxo Antzokian gaueko 22:00etan hasita. Sarrera eta diskoa 10 eurotan izango dira eta Gazte txartela izanez gero 8 eurotan. Datorren larunbatean hasiko da zikloa , hau da apirilak 5ean, Txuma Murugarrenen kontzertuarekin. Emango duten kontzertuan, musikari taldea honokoak osatzen dute: Rafa Aceves (pianoa, teklatuak), Natxo Beltran (batería, perkusioak), Mikel Ramirez (gitarra elektrikoa), Ekaitz Hernandez (baxua), Asier Ituarte (tronboia). Bertan, Marjinalia diskoa aurkeztuko dute.
Bigarren emanaldian, larunbata apirilak 19koa, Petti izango dugu; Joseba Irazoki (gitarra elektrikoa), Ekaitz Elortza (batería, perkusioak), David Gonzalez (baxua) eta Maite Arroitajauregi (txeloa) musikariak osatutakoa. ON diskoa aurkeztuko dute.
Hirugarren eta azken emanaldi, maiatzak 10ean izango da, larunbata Gainsbourg Gainbegiratuz lanarekin. Bertan, Juan Carlos Landa donostiarrak gainsbourzaleak bildu ditu bere kantuen moldaketak euskaraz abesteko. Aukeratutako hamabost grabatu ditu disko batean horrelako kantari lagunekin batera: Gari, Mikel Agirre (La Buena Vida), Diego Vasallo, Estanis (Natural Project), Saioa, Amaia Intxausti, Rafa Berrio, Urko Menaia, Enrique Mingo, Sanchís, Giorgio Bassmatti, Jone Gabarain eta zuzenean aurkezten dute Serge Gainsbourg kantariaren irudiak tartekatuz.
