ANTZUOLA
Herriko txokoei buruzko argazki lehiaketa antolatu da
01.04.08 -
ANTZUOLA. DV. Antzuolako txokoak argazki lehiaketaren lehen edizioa antolatu du Udaleko kultura batzordeak. Herriko kale, baserri, iturri, tunel edota edozein txoko har daiteke gaitzat. Edozein bazterrek balio du.
Hiru maila bereizi dituzte antolatzaileek, edadearen arabera: lehen mailan, hamalau urtera artekoak (parte-hartzaile guztientzat egongo dira sariak); bigarrenean, 15 urtetik 25era bitartekoak (bi sari); eta hirugarrenean, 26 urtetik gorakoak (beste bi sari). Apirilaren 30era arte aurkez daitezke argazkiak udaletxean. Guztiekin erakusketa egingo da maiatzean.
Formatu zehatza eskatu dute arauetan: gehienez 25x35 zentimetro beharko ditu argazki bakoitzak. Krema koloreko kartulinan itsatsiko da eta honen tamainak 30x40 zentimetrokoa beharko du. Kartulinaren atzean argazkiaren izenburua jarriko da. Kartazal txiki batean, berriz, izenburua idatzi eta barruan egilearen datuak sartu beharko dira.
