Herriko judokak Liga Nazionalean borrokan
23.03.08 -
Mutilak ez ziren nahi bezain ondo ibili asteburuan. [J. ARANBERRI]
USURBIL. DV. Usurbil Judo Taldeak Espaniako klub onenek parte hartzen duten Liga Nazionaleko jardunaldi berri batean parte hartu zuten pasa den asteburuan. Mutilen taldeak 2. eta 3. jardunaldia izan zituen Madrilen eta nesken taldeak, berriz, lehenengoa.
Mutilen taldea ez zen lehenengo jardunaldian bezain ondo ibili pasa den asteburuan. Sailkapenean lehenengo postuetan kokatzeko esperantzarekin joan ziren Madril aldera, baina jokoan zituzten 3 norgehiagoketatik 2 galdu zituzten. Judokan Valencia taldea bakarrik gainditu zuten herriko judokek eta amore eman behar izan zuten La Cierva, Valencia eta Lisboa taldeen aurka. Pasa den asteburuko jardunaldien ostean sailkapeneko 8. postuan kokatuta dago Usurbil Judo Taldea. Une honetan sei puntu dituzte eta jaitsiera postuetan dauden lau taldeetatik hiru bi puntura dituzte.
Beraz, hurrengo jardunaldian emaitza onak lortu beharko dituzte Ohorezko mailatik jaistea ekidin ahal izateko.
Bestalde, Lehenengo mailan dagoen nesken taldeak emaitza hobeak izan zituen. Hiru norgehigoka irabazi zituzten, eta bakarra galdu, eta emaitza bikain horiekin sailkapeneko 3. postuan kokatu dira.
