Euskal musika tresna eta dantza emanaldia bihar iluntzean Bizkargiren eskutik
AZKOITIA. DV. Musika Eskolako IX. Taldez talde egitarauaren bigarren emanaldia izango dugu bihar ostirala, iluntzeko 19:00etan, Baztartxo Antzokian. Biharko emanaldian folklorea izango da nagusi; euskal tresna eta dantza, hain zuzen ere. Guztira 10 ekitaldi ezberdin ikusi eta entzun ahal izango ditugu. Hasiera emateko, txikien txistu taldeak Maritxu nora zoaz eskainiko dute pianoz lagundurik. Ondoren, dultzaina bikotea eta danborra eta dantzariak eta handien txistu taldea. Trikitixa, alboka,txistu, panderoa eta txalaparta izango dira hurrengo emanaldia eskainiko dutenak. Dantzariak eta handien txistu taldearen ostean, dultzaina eta danborra eta trikitixa, txistu eta panderoa izango ditugu. Azken hiru emanaldiak ondorengoak izango dira: txalaparta saioa, trikitixa bikotearen saioa eta dantzariak eta trikitilariak.
Taldez talde egitarauaren azkeneko emanaldia igandean izan beharrean, datorren hilera atzeratu dute.
