AL DÍA
Aurreneko Jardunaldia egin du Donostian Soziolinguistika Klusterrak
01.03.08 -
DONOSTIA.DV.Geroa bermatzeko, oraina ezagutu jardunaldia egin zuen atzo Donostian Soziolinguistika Klusterrak. 120 parte hartzaile bildu zituen jardunaldiaren xedea 2007ko proiektuetatik bildutako emaitza nagusiak plazaratzea eta soziolinguistikaren arloan erreferentziazkoak diren hainbat adituren ekarpenak biltzea izan zen.
Soziolinguistika Klusterrak iaz burutako proiektu nagusiak gainbegiratu eta haien emaitza deigarrienak azaltzeaz gain, hainbat gai izan zituzten hizpide goizean zehar luzatu ziren hitzaldi eta tailerretan. Bazkalondoan, berriz, Euskal Herriko kale erabilera izan zen Txillardegi, Iñaki Martinez de Luna eta Kike Amonarriz bildu zituen mahai inguruaren ardatz nagusia. 1989an neurtzen hasitako euskararen kale erabilerak 2007 bitartean izan dituen gorabeherez dato, iritzi eta azalpen franko eman zituzten mahaikideek.
Bukatzeko, omenaldia eskaini zitzaion Jose Luis Alvarez Enparantzari, soziolinguistikaren arloan egindako lana eskertzeko. Esker eta errekonozimenduzko hitzez gain, aginte-makila jaso zuen Txillardegiri erreleboa hartu zionetik BAT soziolinguistika aldizkariko zuzendari izan den Maria-Jose Azurmendiren eskuetatik.
