astigarraga
Astigarragako parrokiak meza bakarra ospatu zuen joan zen igandean
Astigarragako Musika Eskolako Abesbatza mezan zehar. [LAURI]
ASTIGARRAGA. DV. Joan zen igandean meza bakarra ospatu zen Astigarragako parrokian. Aurrez egin izan zuten bezala, larunbateko meza eta igandetan izaten diren hiru mezen ordez, bakarra egin zen, goizeko 11:00etan parrokian. Honen helburu nagusia, Astigarragako kristau elkartearen loturak sendotzea da eta guztiok elkartzeko modua egitea.
Bertan, 2007-2008 ikasturte honetarako Astigarragako kristau elkartean dituzten lan nagusien berri eman zen. Hauek dira lan hauetako batzuk: Pastoral Barrutiei dagokionez, Astigarragako parrokia Hernaniko parrokiekin hasiko da elkarlanean, ekintza berri eta ebanjelizatzaileagoak aurrera eraman ahal izateko. «Indarrak bateratzea garrantzitsua da une hauetan», azaldu dute antolakuntzatik.
Caritasen alorrean, Astigarragako parrokiak beharrean diren familiei laguntzen jarraituko du bestalde, bai janaria banatuz, bai erropak emanez, baita diru-laguntzak ere. Zenbait kasutan pisuak alokatzen ere laguntzen zaie.
Honetaz gainera, Hernaniko parrokiekin elkarlanean, etorkinentzat topaleku eta otoitz-lekua antolatuko da Hernanin eta baita etxerik ez dutenentzat afaldu, gaua pasa eta gosaltzeko lekua ere.
Bertan, 2007-2008 ikasturte honetarako Astigarragako kristau elkartean dituzten lan nagusien berri eman zen. Hauek dira lan hauetako batzuk: Pastoral Barrutiei dagokionez, Astigarragako parrokia Hernaniko parrokiekin hasiko da elkarlanean, ekintza berri eta ebanjelizatzaileagoak aurrera eraman ahal izateko. «Indarrak bateratzea garrantzitsua da une hauetan», azaldu dute antolakuntzatik.
Caritasen alorrean, Astigarragako parrokiak beharrean diren familiei laguntzen jarraituko du bestalde, bai janaria banatuz, bai erropak emanez, baita diru-laguntzak ere. Zenbait kasutan pisuak alokatzen ere laguntzen zaie.
Honetaz gainera, Hernaniko parrokiekin elkarlanean, etorkinentzat topaleku eta otoitz-lekua antolatuko da Hernanin eta baita etxerik ez dutenentzat afaldu, gaua pasa eta gosaltzeko lekua ere.
