SEGURA
Joakin Izagirrek irabazi zuen usakume lehiaketa
SEGURA. DV. Azpaotza Txiki baserriko zelaian jokatu zen igandean Txoritegi elkarteak antolatzen duen usakume lehiaketaren 25. edizioa. Arrakastatsua suertatu zen txapelketan 148 ehiztarik parte hartu zuten, horietatik 18k bota zituztelarik hiru usakume lehen tiraldian. Azkenean garaipena Joakin Izagirre lazkaotarrak eskuratu zuen, bigarren Martin Mendizabal idiazabaldarra sailkatu zelarik.
Aurtengoan emakumerik ez zen izan parte hartzaileen artean eta beteranoetan ere Joakin Izagirrerentzat izan zen saria. Juniorretan Igarki Intxaustik irabazi zuen, herriko lehen sailkatua Joxe Kruz Intxausti izan zen eta Txoritegi elkartekoa Xabier Alustiza. Txoritegi elkartekoak oso gustura geratu ziren goiz eta arratsaldez burutu zen txapelketarekin, eta eskerrak ere eman nahi dizkiete usakume lehiaketa hau aurrera eramateko laguntza eskaintzen duten guztiei eta parte hartzaileei.
Jubilatuen eguna
Irailaren 16an ospatuko da aurtengo jubilatuen eguna. Jai egunean parte hartu nahi duten jubilatuek ostegun edo ostiralean, hilak 6 eta 7, eman beharko dute izena Atsedenen, 19:00etatik 20:30etara, 5euro ordaindu beharko delarik bazkariagatik. Bazkaltzera joaten ez diren 80 urtetik gorako guztiei etxera eramango zaie tarta eta txanpaina, eta bazkarira joan ezin duten 80 urtetik beherakoek udaletxean eman beharko dute izena hilaren 11 baino lehen.
Aurtengoan emakumerik ez zen izan parte hartzaileen artean eta beteranoetan ere Joakin Izagirrerentzat izan zen saria. Juniorretan Igarki Intxaustik irabazi zuen, herriko lehen sailkatua Joxe Kruz Intxausti izan zen eta Txoritegi elkartekoa Xabier Alustiza. Txoritegi elkartekoak oso gustura geratu ziren goiz eta arratsaldez burutu zen txapelketarekin, eta eskerrak ere eman nahi dizkiete usakume lehiaketa hau aurrera eramateko laguntza eskaintzen duten guztiei eta parte hartzaileei.
Jubilatuen eguna
Irailaren 16an ospatuko da aurtengo jubilatuen eguna. Jai egunean parte hartu nahi duten jubilatuek ostegun edo ostiralean, hilak 6 eta 7, eman beharko dute izena Atsedenen, 19:00etatik 20:30etara, 5euro ordaindu beharko delarik bazkariagatik. Bazkaltzera joaten ez diren 80 urtetik gorako guztiei etxera eramango zaie tarta eta txanpaina, eta bazkarira joan ezin duten 80 urtetik beherakoek udaletxean eman beharko dute izena hilaren 11 baino lehen.
